ក្រុមសមាជិកព្រឹទ្ធសភាប្រចាំភូមិភាគទី៤ បានអញ្ជើញជួបសំណេះសំណាលជាមួយក្រុមប្រឹក្សាឃុំទាំង៦ឃុំ ក្នុងស្រុកថ្មពួក ខេត្តបន្ទាយមានជ័យ
នាព្រឹកថ្ងៃទី២៣ ខែធ្នូ ឆ្នាំ២០២៣ ឯកឧត្តម អន ស៊ុំ លេខាធិការគណៈកម្មការទី៤ ឯកឧត្តម ឈើយ ចាន់ណា លេខាធិការគណៈកម្មការទី៧ ព្រឹទ្ធសភា និងជាសមាជិកក្រុមសមាជិកព្រឹទ្ធសភាប្រចាំភូមិភាគទី៤ រួមជាមួយ ឯកឧត្តម ឈឿន ក្រៃយ៉ុង អភិបាលរងខេត្ត លោក អែម សុខា អភិបាលស្រុកថ្មពួក បានអញ្ជើញជួបសំណេះសំណាលជាមួយក្រុមប្រឹក្សាឃុំទាំង៦ឃុំ ក្នុងស្រុកថ្មពួក ខេត្តបន្ទាយមានជ័យ ដែលជាអង្គបោះឆ្នោតអសកលព្រឹទ្ធសភា។ នាឱកាសនោះ ឯកឧត្តម បានជម្រាបជូនពីផែនការឆ្ពោះទៅកាន់កាបោះឆ្នោតជ្រើសតាំងសមាជិកព្រឹទ្ធសភា នីតិកាលទី៥ ឆ្នាំ២០២៤ ដែលកាន់តែខិតជិតមកដល់ គ្រប់អង្គបោះឆ្នោត (ក្រុមប្រឹក្សាឃុំ) ត្រូវថែរក្សាសុខភាពឱ្យបានល្អប្រសើរ និងទុកដាក់ឱ្យបានត្រឹមត្រូវឯកសារពាក់ព័ន្ធនានាសម្រាប់បម្រើឲ្យថ្ងៃបោះឆ្នោត។
